Qazaqstannyń tórtinshi ǵaryshkeri qashan ǵaryshqa attanady – Bektenov jaýaby

ASTANA. KAZINFORM – Premer-Mınıstr Oljas Bektenov Májilis depýtattarynyń Qazaqstannyń tórtinshi ǵaryshkerin ushyrýǵa qatysty saýalyna jaýap berdi.

Qazaqstandyq ǵaryshkerlerdiń qatysýymen ótetin halyqaralyq ǵarysh baǵdarlamalarynyń jobalaryna keletin bolsaq, olar ulttyq jáne halyqaralyq turǵydan oryndy bolatyn jaǵdaılarda iske asyrylatynyn atap ótken jón. Basqarylatyn baǵdarlamalarǵa qatysý qomaqty qarjy shyǵyndaryn talap etedi,- dedi Premer-Mınıstr jaýabynda.

Onyń atap ótýinshe, oǵan tek ushýdyń ózi ǵana emes, sonymen qatar ǵaryshkerdi daıarlaý, ǵylymı baǵdarlama, logıstıka jáne ushýdan keıin qyzmet kórsetý kiredi.

- Osyǵan baılanysty tórtinshi qazaqstandyq ǵaryshkerdiń ushýyn júzege asyrý máselesi meıilinshe salmaqty jáne pragmatıkalyq tásildi talap etedi. Jobanyń ózektiligi men negizdiligi rastalǵan jaǵdaıda tıisti is-sharalar belgilengen tártippen halyqaralyq mindettemelerdi saqtaı otyryp jáne eldiń qarjylyq-ekonomıkalyq múmkindikterin negizge ala otyryp iske asyrylatyn bolady, - dedi Oljas Bektenov.

Aıta keteıik, Memleket basshysy Qasym-Jomart Toqaev «Baıqońyr» ǵarysh aılaǵynyń qurylǵanyna 70 jyl tolýyna oraı vıdeo úndeý joldady. 

Buǵan deıin «Baıqońyr» kesheninde Týrızmdi damytý tujyrymdamasy ázirlenip jatqanyn jazǵan edik.