Qazaqstannyń TOP-5 úzdik týrıstik aýyly anyqtaldy
ASTANA.KAZINFORM — «Kazakh Tourism» UK» AQ jyl saıyn ótkiziletin «Úzdik týrıstik aýyl» ulttyq baıqaýyn qorytyndylady. Joba turaqty jáne ekologııalyq týrızmdi damytýǵa, sondaı-aq tabıǵı, tarıhı ári mádenı murasy erekshe aýyldyq aýmaqtardy ilgeriletýge baǵyttalǵan.
Bıylǵy jyldyń qorytyndysy boıynsha elimizdiń eń úzdik týrıstik aýyldarynyń qataryna kelesi eldi mekender endi:
• Basshı (Jetisý oblysy, Kerbulaq aýdany);
• Toraıǵyr (Pavlodar oblysy, Baıanaýyl aýdany);
• Berel (Shyǵys Qazaqstan oblysy, Katonqaraǵaı aýdany);
• Korobıha (Shyǵys Qazaqstan oblysy, Katonqaraǵaı aýdany);
• Imantaý (Soltústik Qazaqstan oblysy, Aıyrtaý aýdany).
2025 jyly bul baıqaýda Lepsi (Jetisý oblysy), Naǵı Іlııasov (Qyzylorda oblysy), Han Ordasy (Batys Qazaqstan oblysy), Poperechnoe (Shyǵys Qazaqstan oblysy) jáne Shabanbaı bı (Qaraǵandy oblysy) aýyldary jeńimpaz atanǵan bolatyn.
Aıta ketsek, Qazaqstannyń aýyldyq týrızmi halyqaralyq deńgeıde de joǵary baǵalanyp keledi. Mysaly, 2023 jyly Almaty oblysynyń Saty aýyly BUU Dúnıejúzilik týrıstik uıymynyń bedeldi «Best Tourism Villages by UN Tourism» marapatyna ıe bolyp, álemdegi eń úzdik týrıstik aýyldardyń qataryna kirdi.
Aıta keteıik, 2025 jyldyń qorytyndysy boıynsha Qazaqstannyń týrızm salasy negizgi kórsetkishter boıynsha turaqty ósim kórsetti. El ishinde saıahattaýshylar sany da, shetelden keletin týrıster aǵyny da artty.
