Qazaqstannyń tazy tuqymy World Dog Show 2026 kórmesinde joǵary nátıjeler kórsetti
ASTANA. KAZINFORM – Italııanyń Bolonıa qalasynda ótip jatqan World Dog Show 2026 dúnıejúzilik ıtter kórmesinde Qazaqstannyń ulttyq tazy tuqymy joǵary nátıjeler kórsetip, halyqaralyq deńgeıdegi birneshe bedeldi ataqqa ıe boldy, dep habarlaıdy Kazinform agenttiginiń Eýroodaqtaǵy menshikti tilshisi.
World Dog Show – halyqaralyq kınologııadaǵy eń mańyzdy is-sharalardyń biri. Bıylǵy kórmede Qazaqstan úshin erekshe mańyzǵa ıe tazy tuqymy tanystyryldy. Bul ulttyq ıt tuqymy 2024 jyly Halyqaralyq kınologııa federatsııasynyń (FCI) aldyn ala moıyndaýyna ıe bolǵan edi.
Qazaqstan kınologtar odaǵynyń málimetinshe, qazaqstandyq tazy ıtteri birneshe kórme men baıqaýda jeńimpaz atandy.
Club Show-2026 kórmesiniń nátıjeleri:
-
Úzdik jas tóbet – Aqtaban (Astana, ıesi B. Qasymbergebaev);
-
Úzdik jas urǵashy tóbet – Tabıǵat (Almaty, ıesi T. Karımov);
-
Úzdik tóbet – Lashyn (Astana, ıesi I. Bektibaeva);
-
Úzdik urǵashy tóbet – Reıa (Astana, ıesi I. Bektibaeva);
-
Tuqymnyń úzdik ókili, Club Show-2026 jeńimpazy – Lashyn.
ENCI Winner-2026 halyqaralyq kórmesiniń nátıjeleri:
-
Úzdik jas tóbet – Chelsı (Astana, ıesi M. Janpeıisov);
-
Úzdik jas urǵashy tóbet – Tabıǵat (Almaty, ıesi T. Karımov);
-
Úzdik tóbet – Pers (Astana, ıesi P. Gordıenko);
-
Úzdik urǵashy tóbet – Reıa (Astana, ıesi I. Bektibaeva);
-
Tuqymnyń úzdik ókili, ENCI Winner-2026 jeńimpazy – Pers.
World Dog Show 2026 kórmesiniń nátıjeleri:
-
Úzdik jas tóbet – Chelsı (Astana, ıesi M. Janpeıisov);
-
Úzdik jas urǵashy tóbet – Tabıǵat (Almaty, ıesi T. Karımov);
-
Úzdik tóbet – Lashyn (Astana, ıesi I. Bektibaeva);
-
Úzdik urǵashy tóbet – Reıa (Astana, ıesi I. Bektibaeva);
-
Tuqymnyń úzdik ókili, World Dog Show 2026 jeńimpazy – Lashyn.
Sonymen qatar qazaqstandyq tazy ıtteri halyqaralyq chempıondyq ataqtarǵa da ıe boldy.
Jas álem chempıondary (WDS-2026):
-
Chelsı;
-
Tabıǵat.
Álem chempıondary (WDS-2026):
-
Lashyn;
-
Reıa.
Italııa chempıondary:
-
Daster;
-
Lashyn;
-
Reıa;
-
Pers;
-
Arlan.
Italııanyń jas chempıondary:
-
Chelsı;
-
Tabıǵat;
-
Aqtaban.
Italııa chempıony ataǵyna úmitker:
-
Kerbez.
Chempıondar synybyndaǵy rezervtik jeńimpaz:
-
Sarbaz.
– Tazyny osyndaı jarystarǵa daıyndaý kóp ýaqyt pen eńbekti talap etedi. Degenmen álemde bul tuqymǵa qyzyǵýshylyq artyp keledi. Eń aldymen, onyń tabıǵı qasıetteri men ańshylyq qabiletterin saqtap qalǵan aborıgen tuqym bolýymen baılanysty. Mundaı halyqaralyq kórmeler Qazaqstandy jáne onyń baı mádenıetin álemge tanytýǵa da múmkindik beredi, – dedi Daster laqap atty tazynyń ıesi Ánýar Áljanov.
Qazaqstan kınologtar odaǵynyń World Dog Show 2026 kórmesine qatysýy tazy tuqymyn tolyq halyqaralyq moıyndatý jolyndaǵy mańyzdy kezeńderdiń biri sanalady.
Aıta keteıik, buǵan deıin qazaq tazylarynyń sany eki jylda 4 ese óskeni habarlandy.
