Qazaqstannyń taǵy bir fýtbol klýby saýdaǵa shyǵaryldy

ASTANA. KAZINFORM — Túrkistan oblysynyń Qarjy jáne memlekettik aktıvter basqarmasy «Turan» fýtbol klýbyn elektrondy saýdaǵa shyǵardy. 

Saýda týraly aqparat e-Qazyna veb-portalynda jarııalanǵan. Lot sıpattamasyna sáıkes, «Turan» kásibı fýtbol klýby» memlekettik mekemesinde 14 qyzmetker jumys isteıdi. Balanstyq quny — 535 myń teńge.

Saýdaǵa qatysý úshin 158 myń teńge kóleminde kepildik jarna engizý qajet. Elektrondy saýda-sattyq bıylǵy 3 naýryzda Astana ýaqyty boıynsha saǵat 09:55–te bastalady.

Nysannyń bastapqy baǵasy — 1 054 000 teńge. Qoıylyp otyrǵan shartqa sáıkes, satyp alýshy 10 jyl ishinde:

— klýbtyń qyzmet baǵytyn saqtaýǵa;
— shtat sanyn qysqartpaýǵa;
— ınvestıtsııa salýǵa;
— jasóspirimder fýtbol akademııasyn quryp, fýtboldy damytýǵa;
— áıelder fýtbol komandasyn daıyndaýǵa;
— materıaldyq-tehnıkalyq bazany qamtamasyz etýge, sonyń ishinde sońǵy jergilikti iri stadıondarmen kelisimsharttardy bekitýge;
— 2027 jyldan bastap turaqty túrde Qazaqstan Premer-lıgasyna qatysýǵa;
— sport salasynda keminde 5 jyldyq tájirıbesiniń bolýy;
— klýbty senimgerlik basqarýǵa bermeýge jáne ıelikten shyǵarmaýǵa mindettenedi.

Buǵan deıin Túrkistan oblysynda «Turan» fýtbol klýbyn jekeshelendirý boıynsha birqatar ınvestormen kelissóz júrip jatqanyn jazǵan edik. 

Arýjan Jánádil