Qazaqstannyń sý resýrstaryn basqarýda úlken áleýeti bar — FAO basshysy
ASTANA. KAZINFORM — Qazaqstannyń sý resýrstaryn basqarýda úlken áleýeti bar. Bul týraly Astana halyqaralyq forýmynda BUU Azyq-túlik jáne aýyl sharýashylyǵy uıymynyń (FAO) bas dırektory Tsıýı Dýnıýı aıtty.
— 45 jyldyq jumys tájirıbeme súıene otyryp, Qazaqstannyń jete baǵalanbaıtyndyǵyn aıtqym keledi. Jalpy, álemniń eki túrli kartasy bar. Birinshisi — Eýropaǵa ortalyqtandyrylǵan. Óıtkeni, Italııa, Eýropa úshin Qazaqstan, tipti Qytaıdyń ózi kishkentaı memleket sanalady. Munan bólek latynamerıkalyq karta bar. Onda da jer sharyndaǵy bizdiń bólik eskerilmeıdi. Al Qazaqstanda mln sharshy shaqyrym aýmaq bar. Qazaqstan zamanaýı tehnologııalar men saıasattyń arqasynda úlken jetistikterge jete alady. Eger biz jetkilikti ınvestıtsııa, ınnovatsııamen qamtamasyz ete otyryp birlese jumys istesek úlken jetistikke qol jetkizýge bolady. Tipti, sý resýrstaryn basqarýda da úlken áleýeti bar, — dedi ol.
Sonymen qatar Tsıýı Dýnıýı FAO-nyń qoldaýyn qajet etetin múshe memleketterge uıym únemi kómek kórsetýge tyrysatyndyǵyn aıtty.
— 2019 jyly uıymda alǵashqy reformalardy júrgize bastadyq jáne barlyq qoldaý sharasynyń tıimdiligin arttyrýǵa basa nazar aýdardyq. Biz árbir dollar naqty bir áser bergenin qalaımyz. Amerıka, Qytaı, Japonııa, Germanııa, Ulybrıtanııa, Italııa, Qazaqstan, Ózbekstan, Tájikstan jáne Qyrǵyzstan syndy barlyq 20 múshe jan-jaqty qoldaý kórsetip, belsendi jumys istep jatyr, — dedi FAO basshysy.
Aıta keteıik, elordada Memleket basshysy Qasym-Jomart Toqaevtyń qatysýymen Astana halyqaralyq forýmy ótip jatyr. Forýmǵa 7 000-nan astam qatysýshy tirkelgen. Eýropa, Ortalyq Azııa, Taıaý Shyǵys pen Afrıka elinen BUU, AAU, HKU jáne DZMU sııaqty jetekshi halyqaralyq uıymdardyń atynan 160-tan astam spıker shaqyrylǵan.
Іs-sharany ashqan Qasym-Jomart Toqaev elimiz SryptoCity dep atalatyn jańa pılottyq jobany júzege asyrýdy josparlap otyrǵanyn, Qazaqstan BUU Qaýipsizdik Keńesiniń quramyn keńeıtýdi qoldaıtynyn aıtty.