Qazaqstannyń suraýy boıynsha Argentınada Andreı Hazbýlatov ustaldy

ASTANA. KAZINFORM – Qazaqstan ІІM Interpol Ulttyq bıýrosynyń suraýy boıynsha Argentına aýmaǵynda Andreı Hazbýlatov ustaldy. Bul týraly QR Іshki ister mınıstrliginiń baspasóz qyzmeti málim etti. 

«Aqshany zańsyz ıemdengeni úshin izdeýde júrgen kúdikti Argentınada bolǵany anyqtaldy. Sondyqtan osy eldiń aýmaǵynda Qazaqstan ІІM Interpol ulttyq bıýrosynyń suraýy boıynsha Andreı Hazbýlatov ustaldy», - delingen QR ІІM málimetinde.

Kúdikti QR Qylmystyq kodeksiniń 189-babynyń 4-bóliginde kózdelgen qylmysty jasaǵany úshin elordanyń sybaılas jemqorlyqqa qarsy qyzmeti byltyr jazda halyqaralyq izdeýge jarııalaǵan bolatyn.

Ol 196 mln teńgeden astam qarajatty zańsyz ıemdendi dep kúdikke ilindi.

Andreı Hazbýlatov – fılosofııa doktory, Qazaqstannyń eńbek sińirgen qaıratkeri. Qazaqstan Respýblıkasynyń 2050 jylǵa deıingi mádenı saıasaty tujyrymdamasy men «Kınematografııa týraly» zańy avtorlarynyń biri.

Aıta ketken jón, 1993 jyly ІІM-niń qurylymynda Interpoldyń Ulttyq ortalyq bıýrosy quryldy.