Qazaqstannyń sý salasynda 1700-den astam áıel jumys isteıdi
ASTANA. KAZINFORM — Elimizde sý salasynda 1 700-den astam áıel bar. Atap aıtqanda, «Qazsýshar» memlekettik kásipornynda 1 579 názik jandy arý jumys isteıdi.
Sý resýrstary jáne ırrıgatsııa mınıstrliginde 75 áıel bar. Mınıstrlik janyndaǵy Sý sharýashylyǵy jáne basseındik ınspektsııalar komıtetinde 99 áıel jumys isteıdi.
QR Sý resýrstary jáne ırrıgatsııa mınıstri Nurjan Nurjigitov otandyq sý salasynda qyzmet etip júrgen arýlardy merekemen quttyqtady.
«Qazaqstannyń sý salasynda qyzmet atqaratyn aıaýly arýlarymyzdy Halyqaralyq áıelder kúnimen shyn júrekten quttyqtaımyn. Barshańyzǵa zor densaýlyq, mol baqyt, týystaryńyz ben jaqyndaryńyzdyń shattyq kúlkisin, sondaı-aq jańa bıikterdi baǵyndyrý úshin tolaǵaı tabys pen kúsh-jiger tileımin. Elimizdiń sý resýrstaryn saqtaý jáne qorǵaý boıynsha ortaq jumysymyzdy sizderdiń qajyrly eńbekterińizsiz elestetý múmkin emes. Gúldeı qulpyryp júrińizder, ár kúnderińiz qýanyshty sátterge toly bolsyn», - dedi Sý resýrstary jáne ırrıgatsııa mınıstri Nurjan Nurjigitov.
