Qazaqstannyń strategııalyq nysandaryn qorǵaý kúsheıtildi

ASTANA. KAZINFORM — Taıaý Shyǵystaǵy ahýaldyń shıelenisýine baılanysty elimizdegi strategııalyq nysandardyń terrorızmge qarsy qorǵanysyn kúsheıtý sharalary qabyldandy. Bul týraly senator Andreı Lýkın málim etti. 

Búgin Senat otyrysyna keıin BAQ ókilderi odan Memleket basshysynyń strategııalyq nysandardyń qaýipsizdigin kúsheıtý jónindegi tapsyrmasynan keıin iri munaı jobalarynyń, atap aıtqanda Qashaǵan jáne Teńizshevroıl nysandarynyń qorǵalý deńgeıi týraly suraǵan edi.

— Shynynda da, Memleket basshysy birden terrorızmge qarsy qorǵanys máselesine nazar aýdardy. Qaýipsizdik keńesiniń arnaıy otyrysy ótkizildi. Barlyq qurylymymyz qyzmet atqarýdyń kúsheıtilgen rejımine kóshirildi — bul aldyn alý sharalarynyń biri. Al eskertý sharalaryna kelsek, eń aldymen bizdiń strategııalyq nysandardyń terrorızmge qarsy qorǵanysy týraly aıtqym keledi. Qazaqstan Respýblıkasynda ornalasqan munaı óndirýshi kásiporyndardyń tıisti bólimsheleri bar jáne olardyń áýeden de, qurlyqtan da, sondaı-aq Kaspıı teńizi jaǵynan da terrorıstik shabýyldarǵa qarsy áreket etý boıynsha naqty mindetteri belgilengen, — dedi Andreı Lýkın.

Buǵan deıin Energetıka mınıstri Erlan Aqkenjenov Taıaý Shyǵystaǵy qarýly qaqtyǵys pen álemdik naryqtaǵy munaı baǵasynyń qubylýy elimizdegi munaı baǵasyna qalaı áser etýi múmkin ekenin aıtty.