Qazaqstannyń Statımen sottasýǵa qansha aqsha jumsaǵany beımálim kúıinde qaldy

ASTANA. KAZINFORM — Ádilet mınıstrliginiń resmı ókili Talǵat Ýálı Statı isi boıynsha Qazaqstannyń «Bolashaq Konsaltıng» kompanııasymen jumys istemeıtinin aıtty.

«Burynǵy Ádilet mınıstri Marat Beketaev qamaýǵa alynǵan soń Statı isi boıynsha qosymsha tekserý júrgizildi me jáne oǵan qansha qarajat jumsalyp jatyr? Depýtat Azat Perýashev „Bolashaq Konsaltıng“ qyzmetine elimiz jylyna 60 mln dollar tóleıtinin aıtqan bolatyn», — dep suraq qoıdy tilshiler mınıstrlikte ótken brıfıngte.

Óz kezeginde resmı ókil Ádilet mınıstrligi bir jyldan astam ýaqyt boıy «Bolashaq Konsaltıng» kompanııasymen jumys istemeıtinin aıtty. 

«Statı isine qatysty barlyq ıýrısdıktsııalarda, halyqaralyq tórelikterde mınıstrlik memleket múddecin qorǵaý úshin tıisti is-sharalardy júrgizedi. Sottyń múddesi úshin basqa aqparat jarııa etilmeıdi», — dedi Talǵat Ýálı.

Sondaı-aq, spıker bul is úshin arnaıy bıýdjet qarajaty qarastyrylmaıtynyn jetkizdi. Barlyq halyqaralyq sot isterine jalpy qarjy bólinedi. 

Buǵan deıin Qazaqstannyń halyqaralyq sot isterine jumsalatyn shyǵyndy qysqartatyny habarlanǵan edi.

2021 jylǵa bólingen bıýdjet 25,6 mıllıard teńge bolsa, 2024 jylǵa arnalǵan bıýdjet — 8 mıllıard teńge boldy.