Qazaqstannyń Syrtqy ister mınıstri BRIKS-tiń mınıstrlik sessııasyna qatysady

ASTANA. KAZINFORM – Syrtqy ister mınıstri Murat Nurtileý Reseıdegi BRIKS jıynyna barady. Bul týraly vedomstvonyń resmı ókili Aıbek Smadııarov baspasóz máslıhatynda aıtty.

«10-11 maýsymda Premer-mınıstrdiń orynbasary – Syrtqy ister mınıstri Murat Nurtileý Reseı Federatsııasynyń Syrtqy ister mınıstri Sergeı Lavrovtyń shaqyrýymen BRIKS-tiń damýshy eldermen dıalogynyń mınıstrlik sessııasyna qatysý úshin Reseıge saparmen barady. Іs-shara Nıjnıı Novgorod qalasynda «Ádiletti jahandyq damý men qaýipsizdik úshin kópjaqty nyǵaıtý» taqyrybymen ótedi», - dedi ol.

SІM resmı ókili bul jıynǵa qaı elderdiń ókilderi qatysatynyn aıtty.

«Ssessııaǵa BRIKS-ke múshe elder – Reseı, Brazılııa, Úndistan, Qytaı, Ońtústik Afrıka Respýblıkasy, Mysyr, Birikken Arab Ámirlikteri, Saýd Arabııasy jáne Efıopııa syrtqy saıası vedomstvolarynyń basshylary, sondaı-aq, shaqyrylǵan elder – Aljır, Bahreın, Bangladesh, Belarýs, Venesýella, Vetnam, Indonezııa, Kýba, Laos, Mavrıtanııa, Nıgerııa, Taıland, Túrkııa jáne Shrı-Lankanyń syrtqy ister mınıstrleri de qatysady.

Mınıstrlik sessııasy aıasynda Qazaqstannyń Syrtqy ister mınıstri birqatar ekijaqty kezdesýler ótkizedi», - dedi Aıbek Smadııarov.