Qazaqstannyń syrtqy saıasatynyń 2026 jylǵy basym mindetteri aıqyndaldy
ASTANA. KAZINFORM — Syrtqy ister mınıstrligi 2025 jyldy nátıjeli aıaqtap, aldaǵy mindetterdi belgiledi.
Syrtqy ister mınıstrliginde ótken saltanatty is-shara barysynda syrtqy saıası vedomstvonyń basshysy Ermek Kósherbaev mınıstrliktiń bıylǵy jylǵy qyzmetiniń negizgi qorytyndylaryna toqtalyp, 2026 jylǵa arnalǵan josparlardy aıqyndady.
SІM basshysy 2025 jyl strategııalyq seriktestikterdi nyǵaıtý, ekonomıkalyq yntymaqtastyqty keńeıtý, halyqaralyq qaýipsizdikti arttyrý jáne el múddelerin jan-jaqty ilgeriletý baǵytyndaǵy dıplomatııalyq qyzmettiń belsendi ári nátıjeli kezeńi bolǵanyn atap ótti.
Vedomstvonyń jumysy syrtqy saıasattyń negizgi basymdyqtary — egemendik pen qaýipsizdikti nyǵaıtýǵa, sheteldegi QR azamattaryn qoldaýǵa jáne kópjaqty formattar sheńberinde syndarly yntymaqtastyqqa negizdeldi.
E.Kósherbaev 2026 jylǵa arnalǵan basym mindetterdi de aıqyndady.
— Olardyń qatarynda ekonomıkalyq dıplomatııany damytý, halyqaralyq yntymaqtastyqty keńeıtý, vedomstvoaralyq úılestirýdi kúsheıtý jáne Qazaqstannyń syrtqy saıası bastamalaryn ilgeriletý, — dedi Kósherbaev.
Mınıstr SІM ujymyna keler jyly jańa kásibı tabys, amandyq pen bereke tiledi.
Budan buryn Syrtqy ister mınıstrligine daktıloskopııalyq tirkeý ókilettigi berilgenin jazǵanbyz.