Qazaqstannyń syrtqy saýda aınalymy 100 mlrd AQSh dollarynan asty

Elimizdegi shaǵyn jáne orta bıznes sýbektileriniń 36 paıyzy saýdamen aınalysyp júr. Bul týraly Parlament Májilisinde saýda saıasatyn damytýǵa arnalǵan Úkimet saǵatynda Saýda jáne ıntegratsııa mınıstri Arman Shaqqalıev aıtty, dep habarlaıdy Kazinform.

«Barlyq shaǵyn jáne orta bıznes sýbektileriniń 36 paıyzy, ıaǵnı 1,8 mln-nan 730 myńy saýdamen aınalysady. Áleýmettik baǵyt boıynsha saýda salasy 1-orynda tur, 1,5 mln-nan astam adamdy jumys oryndarymen qamtamasyz etip otyr. Al jalpy ishki ónimge ekonomıkalyq úles boıynsha - 2-orynda», - dedi A. Shaqqalıev.

Onyń sózine qaraǵanda, 11 aıda saýdaǵa tartylǵan ınvestıtsııa kólemi 410,6 mlrd teńgeni qurady, bul byltyrmen salystyrǵanda 41,3 paıyzǵa joǵary. Іshki taýar aınalymy 21,1 paıyzǵa ósip, 53,6 trln teńgege jetti (2022 jyldyń 11 aıynda – 44,3 trln teńge).

«Saýdanyń naqty kólem ındeksi 111,3 paıyzdy qurady (2022 jyldyń 11 aıynda – 104,8%). Syrtqy saýda qyzmetinde de oń dınamıka baıqaldy. 2023 jyldyń 10 aıynyń qorytyndysy boıynsha syrtqy saýda aınalymy 114,1 mlrd dollardy qurap, byltyrǵy sáıkes kezeńimen salystyrǵanda 2,6 paıyzǵa (111-de,3 mlrd.doll) jetti", - dedi mınıstr.