Qazaqstannyń ShYU bıýdjetindegi úlesi qansha

ASTANA. KAZINFORM – Qazaqstan Shanhaı yntymaqtastyq uıymy bıýdjetindegi jarna mólsherin bekitti. Tıisti Jarlyqqa Memleket basshysy Qasym-Jomart Toqaev qol qoıdy.

«Qosa berilip otyrǵan 2017 jylǵy 1 jeltoqsandaǵy Shanhaı yntymaqtastyq uıymynyń bıýdjetin qalyptastyrý jáne atqarý tártibi týraly kelisimge ózgeris engizý týraly hattamanyń (budan ári — Hattama) jobasy maquldansyn», — delingen Prezıdent Jarlyǵynda.

Sonymen, atalǵan qujatqa sáıkes, «Shanhaı yntymaqtastyq uıymyna múshe memleketterdiń úlestik jarnalarynyń mólsherleri mynadaı:

Belarýs Respýblıkasy — 5,8%

Úndistan Respýblıkasy — 5,9%

Iran Islam Respýblıkasy — 5,8%

Qazaqstan Respýblıkasy — 15,2%

Qytaı Halyq Respýblıkasy — 17,6%

Qyrǵyz Respýblıkasy — 7,6%

Pákistan Islam Respýblıkasy — 5,9%

Reseı Federatsııasy — 17,6%

Tájikstan Respýblıkasy — 6%

Ózbekstan Respýblıkasy — 12,6%».

Jarlyqta Qazaqstan Respýblıkasynyń Premer-Mınıstri Oljas Abaıuly Bektenovke Hattamaǵa Qazaqstan Respýblıkasynyń atynan qol qoıýǵa, oǵan qaǵıdattyq sıpaty joq ózgerister men tolyqtyrýlar engizýge ruqsat berilgendigi aıtylǵan. 

Atalǵan Hattama 2025 jylǵy 1 qańtardan bastap ýaqytsha qoldanylady jáne onyń kúshine enýi úshin qajetti memleketishilik rásimderdi Taraptardyń oryndaǵany týraly olardyń tórtinshi jazbasha habarlamasyn depozıtarıı alǵan kúnnen bastap kúshine enedi.

Buǵan deıin Oljas Bektenov Pákistan Islam Respýblıkasynyń astanasynda ótken Shanhaı yntymaqtastyq uıymyna múshe memleketter úkimetteriniń basshylary keńesiniń 23-shi otyrysyna qatysqanyn habarlaǵan edik.