Qazaqstannyń shyǵysynda aýa sapasy nasharlaıdy

ASTANA. KAZINFORM — Búgin Qazaqstannyń shyǵysyndaǵy úsh qalada jaısyz meteorologııalyq jaǵdaı qalyptasyp, aýa lastanady, dep habarlaıdy «Qazgıdromet» RMK. 

Lastanǵan qalalar tizimine Almaty qalasy da ilindi.

— 2025 jylǵy 23 aqpanda Óskemen, Semeı, Rıdder, Almaty qalalarynda aýanyń lastanýyna baılanysty qolaısyz meteorologııalyq jaǵdaılar kútiledi, — delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Aıta keteıik, budan buryn «Qazgıdromet» 23 aqpanda kún raıynyń nasharlaýyna baılanysta birqatar oblysta daýyldy eskertý jarııalaǵanyn jazǵan edik.