Qazaqstannyń ońtústiginde kún sýytady

ASTANA. KAZINFORM – 15-17 qazanda elimizdiń soltústik oblystaryna sýyq antıtsıklon áli de yqpal etedi. Respýblıka ońtústiginiń turǵyndary da qystyń jaqyndap kele jatqanyn sezinedi, dep habarlaıdy  «Qazgıdromet» RMK baspasóz qyzmeti.

Respýblıkanyń soltústiginde jaýyn-shashynnyń toqtaǵanyna qaramastan aldaǵy túnderi termometr baǵanalary tómen temperatýrany kórsetedi.

Alaıda kúndizgi ýaqytta kún jylıdy – 17 qazanda soltústikte 5-10 gradýs jyly bolady dep boljanyp otyr.

Shyǵysqa qaraı jyljyǵan antıtsıklon túnde jáne kúndiz aýa temperatýrasynyń tómendeýine negiz bolady. Al ońtústikten jyly aýa massalarymen qosylǵan kezde tek taýly aımaqta emes, eldiń ońtústik-shyǵys oblystarynyń basqa aýmaqtarynda da qarǵa ulasqan jańbyr ákeledi.

Eske sala ketsek, 11 qazanda kún raıynyń qolaısyzdyǵyna baılanysty Soltústik Qazaqstan jáne Aqmola oblystarynda keıbir joldar jabylǵan bolatyn.