Qazaqstannyń ońtústiginde aýa temperatýrasy 28 gradýsqa deıin kóteriledi

ASTANA. KAZINFORM – «Qazgıdromet» RMK 2026 jylǵy 24-26 naýryzǵa arnalǵan aýa raıy boljamyn jarııalady, dep habarlaıdy Kazinform.

Sınoptıkterdiń málimetinshe, batys, ońtústik, ońtústik-shyǵys óńirlerde, sondaı-aq jekelegen kúnderi soltústik pen shyǵysta atmosferalyq fronttardyń ótýine baılanysty aýa raıy qubylmaly bolady.

Eldiń birqatar aımaqtarynda jańbyr men qar túrinde jaýyn-shashyn kútiledi. Ońtústik-shyǵystyń taýly aýdandarynda keı ýaqytta qatty jaýyn-shashyn boljanady. Kúndiz batys jáne ońtústik óńirlerde naızaǵaı oınap, shańdy daýyl turyp, jel kúsheıýi múmkin.

Respýblıka boıynsha tuman túsip, soltústik, shyǵys jáne ortalyq aımaqtarda kóktaıǵaq saqtalady.

Kúndizgi aýa temperatýrasy
– batysta +13…+23 gradýs,
– soltústik pen shyǵysta +9…+14 gradýs,
– ortalyqta +10…+22 gradýs,
– ońtústikte +18…+28 gradýs,
– ońtústik-shyǵysta +12…+22 gradýs shamasynda bolady.