Qazaqstannyń ońtústiginde áli de kúnshýaqty aýa raıy saqtalady

ASTANA. KAZINFORM — «Qazgıdromet» RMQ kúzdiń sońǵy kúnderine arnalǵan aýa raıy boljamyn jarııalady. 

— Bıylǵy kúz qazaqstandyqtardy jyly aýa raıymen qýantyp otyr. Qarasha aıynyń sońyna qaramastan, Qazaqstannyń ońtústiginde jyly ári kúnshýaqty aýa raıy saqtalady, kúndiz aýa temperatýrasy +13…+18°S aralyǵynda boljanady, — dep jazdy Qazgıdromet. 

Sınoptıkterdiń boljamynsha, soltústik óńirlerde jaýyn-shashyn bolady.

— Soltústik-batys tsıklony respýblıkanyń soltústik jartysy arqyly jyldam jyljı otyryp, jańbyr men qar túrindegi jaýyn-shashyn, jeldiń kúsheıýi jáne kóktaıǵaq qubylystaryn ákeledi. Alaıda temperatýralyq fon birshama qolaıly bolyp saqtalady: túnde –0…–5°S, kúndiz 0…+5°S kútiledi, — delingen habarlamada.

Aıta keteıik, buǵan deıin Qazgıdromet kompanııasy aldaǵy qys mezgiline arnalǵan aýa raıynyń konsýltatıvtik boljamyn usyndy.

Aldyn ala boljam boıynsha respýblıkanyń basym bóliginde qys mezgili qońyrjaı jyly bolady, jaýyn-shashyn mólsheri klımattyq norma shamasynda kútiledi. Biraq keıbir kezeńde burqasyn, ekpindi jel, kóktaıǵaq qubylystary, tuman, mol jaýyn-shashynnyń túsýi boljanyp otyr.