Qazaqstannyń ońtústigi men batysynda shańdy daýyl turyp, shyǵysynda qar jaýady

ASTANA. KAZINFORM — «Qazgıdromet» RMK derekteri boıynsha, 5–6 qazanda elimizdiń birqatar óńirinde qolaısyz jáne qaýipti meteorologııalyq qubylys kútiledi. 

Almaty oblysynda 5 qazanda taýly aýdandarda tuman, túnde soltústigi men ońtústiginde 1-3 gradýs úsik kútiledi. Soltústiginde tótenshe órt qaýpi saqtalady.

Aqtóbe oblysynda 5–6 qazanda ońtústigi men soltústiginde joǵary, al batysy, soltústik-shyǵysy men ortalyǵynda tótenshe órt qaýpi saqtalady. Aqtóbe qalasynda 4–6 qazan aralyǵynda joǵary órt qaýpi saqtalady.

Túrkistan oblysynda 5 qazanda soltústigi men batysynda shańdy daýyl bolady. Soltústik-shyǵystan soqqan jeldiń kúshi 15–20 m/s, kúndiz ekpini 23 m/s jetedi. Óńirdiń shóldi jáne taýly aýdandarynda tótenshe órt qaýpi saqtalady.

Shymkent pen Túrkistan qalalarynda da 5 qazanda jeldiń kúshi 15–20 m/s jetip, Túrkistanda shańdy daýyl kútiledi.

Qyzylorda oblysynda 5 qazanda kúndiz ortalyǵy men shyǵysynda shańdy daýyl soǵady, jeldiń ekpini 15–20 m/s. Tótenshe órt qaýpi saqtalady.
Qyzylorda qalasynda da kúndiz shańdy daýyl kútiledi.

Jetisý oblysynda 5 qazanda soltústik-shyǵystan jel soǵyp, shyǵysy men ortalyǵynda ekpini 15–20, keı ýaqytta 23–28 m/s jetedi. Túnde soltústigi men ortalyǵynda 1–3 gradýs úsik kútiledi.

Taldyqorǵanda jeldiń ekpini 15–20 m/s, túnde úsik 1–3 gradýs bolady.

Jambyl oblysynda 5 qazanda taýly aýdandarda tuman, al ońtústik-batysynda, soltústik-shyǵysynda jáne taýlarda jeldiń kúshi 15–20, ekpini 23 m/s deıin kúsheıedi. Oblystyń batysy men soltústiginde tótenshe, ortalyǵynda joǵary órt qaýpi saqtalady.

Batys Qazaqstan oblysynda 5 qazanda ońtústik-shyǵystan soqqan jeldiń ekpini 15–20 m/s deıin jetedi. Óńirdiń birqatar bóliginde joǵary jáne tótenshe órt qaýpi saqtalady.

Oral qalasynda joǵary órt qaýpi kútiledi.

Atyraý oblysynda 5 qazanda kúndiz batysynda, soltústiginde jáne ońtústiginde shańdy daýyl soǵady. Jeldiń ekpini 15–20 m/s deıin kúsheıedi. Oblystyń kóp bóliginde tótenshe jáne joǵary órt qaýpi bar.

Atyraý qalasynda da kúndiz shańdy daýyl kútiledi.

Mańǵystaý oblysynda 5 qazanda kúndiz batysynda, ońtústiginde jáne ortalyǵynda shańdy daýyl soǵyp, jel 15–20 m/s deıin kúsheıedi. Óńirdiń batysy men soltústik-shyǵysynda joǵary órt qaýpi saqtalady.

Aqtaý qalasynda kúndiz shańdy daýyl jáne jeldiń 15–18 m/s ekpini kútiledi.

Abaı oblysynda 5 qazanda túnde jáne tańerteń soltústigi men shyǵysynda tuman men kóktaıǵaq bolady. Jeldiń ekpini 15–20 m/s deıin jetedi.

Shyǵys Qazaqstan oblysynda 5 qazanda túnde soltústigi men shyǵysynda qatty qar, tuman jáne kóktaıǵaq kútiledi. Jeldiń kúshi 15–20 m/s deıin kúsheıedi.

Soltústik Qazaqstan oblysynda 5 qazanda kúndiz batystan soqqan jel 15–20 m/s deıin jetedi.

Qostanaı oblysynyń ońtústiginde joǵary órt qaýpi kútiledi.

Ulytaý oblysynyń shyǵysynda joǵary, al ońtústiginde tótenshe órt qaýpi saqtalady.