Qazaqstannyń óńdeý ónerkásibinde 17,3 myń jańa jumys orny qurylady
ASTANA. KAZINFORM — Qazaqstanda óńdeý ónerkásibinde iske asyrylyp jatqan 200 ınvestıtsııalyq joba aıasynda 17,3 myń jańa jumys ornyn qurý josparlanǵan. Bul týraly Ónerkásip jáne qurylys mınıstri Ersaıyn Naǵaspaev aıtty.
— Bıyl óńdeý ónerkásibinde jalpy quny 1,7 trln teńge bolatyn 200 ınvestıtsııalyq joba iske asyrylýda. Olardyń nátıjesinde 17 300 jumys ornyn qurý josparlanǵan. Búginde 84 joba iske qosylyp, 5 800 jumys orny ashyldy, — dedi mınıstr Úkimettiń búgingi otyrysynda.
Onyń aıtýynsha, avtomattandyrý, tsıfrlyq jobalaý, robottandyrý, jasandy ıntellekt jáne kıberqaýipsizdik baǵyttaryndaǵy mamandarǵa suranys artyp keledi.
Mınıstr jańa óndiristerdi qajetti kadrlarmen qamtamasyz etý máselesin jobany iske asyrý kezinde ǵana emes, ony josparlaý kezeńinen bastap qarastyrý mańyzdy ekenin atap ótti.
Buǵan deıin Qazaqstannyń ónerkásip jáne qurylys salalarynda 75 jańa mamandyq anyqtalǵany habarlanǵan. Onyń 47-si taý-ken metallýrgııasyna, 11-i mashına jasaýǵa, 17-si qurylys salasyna qatysty.
Qazaqstannyń ónerkásip jáne qurylys salalaryna qazirdiń ózinde 36,7 myń kadr qajet.
