Qazaqstannyń monoqalalaryn damytýǵa 450 mlrd teńge bólinedi

ASTANA. KAZINFORM – Bul týraly depýtattyq saýalǵa jaýap bergen QR Premer-mınıstri Oljas Bektenovtyń jaýabynda aıtylǵan.

Ol keltirgen málimetterge qaraǵanda, Jalpyhalyqtyq jospardyń 22 bólimi aıasynda monoqalalardyń áleýmettik-ekonomıkalyq damýynyń 78 kórsetkishi boıynsha saraptama júrgizilip, olardyń sanaty anyqtalyp, ártaraptandyrý deńgeıine baılanysty úsh topqa bólindi.

Deversıfıkatsııalaý aldynda turǵan qalalar qatarynda Temirtaý, Ekibastuz, Rýdnyı, Kentaý, Setpnogorski bar.

Turaqty damyp kele jatqan, ekonomıkasyn odan ári ártaraptandyrý úshin qajetti áleýeti bar qalalar: Jańaaózen, Sátpaev, Balqash, Qulsary, Rıdder, Aqsaý, Abaı, Hromtaý, Lısakovsk, Shahtınsk, Altaı.

Áleýmettik-ekonomkalyq damýy úshin memlekettik qoldaýdyń qosymsha sharalaryn qajet etetin qalalar: Jetiqara, Qarajal, Kýrchatov.

- Infraqurylymdyq máseleler men ekonomıkanyń naqty sektorynyń damýyn júıeli sheshý úshin Altaı, Balqash, Jetiqara, Lısakovsk, Rıdder, Stepnogorsk sııaqty qalalardyń 2023-2027 jyldardy qamtıtyn keshendi damytý jospary bekitildi. Atalǵan jospardy júzege asyrý úshin mólsheri 456,6 mlrd teńge bolatyn 326 is-shara qarastyrylǵan, - delingen Úkimet basshysynyń jaýabynda.

Aıta keteıik, Oljas Bektenov Qaraǵandy oblysyna jumys sapary barysynda monoqalalardyń ekonomıkasyn ártaraptandyrýǵa basa nazar aýdarý qajettigin aıtqan edi.