Qazaqstannyń Mońǵolııadaǵy elshisi qyzmetinen ketti

ASTANA. KAZINFORM — Ǵabıt Qoıshybaev Qazaqstannyń Mońǵolııadaǵy Tótenshe jáne Ókiletti Elshisi laýazymynan bosatyldy, dep habarlaıdy Aqordanyń baspasóz qyzmeti.

— Memleket basshysynyń Jarlyǵymen Ǵabıt Beıbituly Qoıshybaev Qazaqstan Respýblıkasynyń Mońǵolııadaǵy Tótenshe jáne Ókiletti Elshisi laýazymynan bosatyldy, — delingen habarlamada.

Ǵabıt Beıbituly Qoıshybaev 1972 jyly 12 naýryzda Almaty qalasynda dúnıege kelgen. Aǵylshyn, qytaı, japon tilderin meńgergen. Ál-Farabı atyndaǵy Qazaq ulttyq ýnıversıtetinde, QR SІM Dıplomatııalyq akademııasynda oqyǵan.

Mansap

- 1994 jyldan bastap QR Syrtqy ister mınıstrliginiń júıesinde jumys isteıdi.

- 1994-2011 jyldar kezeńinde Ortalyq apparat pen QR sheteldegi mekemelerinde ártúrli qyzmette bolǵan.

- 2011-2014 jyldary Shanhaı qalasyndaǵy QR Bas konsýly (QHR).

- 2014-2016 jyldary QR SІM Ortalyq apparatynda basshylyq laýazymda bolǵan.

- 2016-2019 jyldary QR Prezıdent Ákimshiligi Syrtqy saıasat jáne halyqaralyq baılanystar bólimi meńgerýshisiniń orynbasary.

- 2019-2022 jyldary QR Qytaı Halyq Respýblıkasyndaǵy Tótenshe jáne Ókiletti Elshisi.

- QR Prezıdentiniń 2022 jylǵy 8 sáýirdegi jarlyǵymen QR Mońǵolııadaǵy Tótenshe jáne Ókiletti Elshisi bolyp taǵaıyndaldy.

Dıplomatııalyq rang: II synypty Tótenshe jáne Ókiletti Ýákil

Osyǵan deıin Prezıdent Qasym-Jomart Toqaevtyń shaqyrýymen 26-27 sáýir kúnderi Italııa Premer-mınıstri Djordja Melonı Qazaqstanǵa resmı saparmen keletini aıtyldy.

Eske salsaq, jaqynda Kazinform agenttigi jańa «Málimet» jobasyn iske qosty. «Málimet» − Qazaqstannyń medıanaryǵynda alǵash ret usynylǵan jańa aıdar, onda saıasat, ekonomıka, bıznes, ǵylym, mádenıet sekildi túrli salada el damýyna eleýli úles qosqan tanymal qazaqstandyqtardyń ómirbaıany men qyzyqty málimetteri jarııalanady.