Qazaqstannyń memlekettik saıttary tehnıkalyq jumysqa baılanysty jabyldy

Qazaqstannyń memlekettik saıttarynda tehnıkalyq jumystar júrgizilip jatyr, dep habarlaıdy Kazinform tilshisi.

«Ulttyq aqparattyq tehnologııalar» AQ habarlaýynsha, 2024 jylǵy 12 qańtar 13:00-den bastap 13 qańtar 9:00-ge deıin jáne 2024 jylǵy 13 qańtar 13:00-den bastap 14 qańtar 9:00-ge deıin «Memlekettik organdardyń ınternet-resýrstarynyń biryńǵaı platformasy» jobasy boıynsha jumystar júrgiziledi.

— Joǵaryda aıtqanymyzdaı, osy ýaqyt aralyǵynda «Memlekettik organdardyń ınternet-resýrstarynyń biryńǵaı platformasy» jobasy ýaqytsha qoljetimsiz bolýy múmkin ekenin habarlaımyz, - delingen vedomstvo baspasóz qyzmetiniń habarlamasynda.