Qazaqstannyń tsıfrlandyrý tájirıbesi halyqaralyq deńgeıde moıyndaldy

ASTANA. KAZINFORM - e-Qyzmet júıesi halyqaralyq OPSI platformasynda moıyndaldy, dep habarlaıdy Jibek Joly telearnasy.

Memlekettik qyzmet isteri agenttigi málimetinshe, endi otandyq platformany álem elderi úlgi retinde paıdalana alady. Bul qoldanba memlekettik qyzmetke ornalasqysy keletinderge arnalǵan.

Ol jumys taýyp berý, synaqtan ótý men suhbattasý sııaqty deńgeılerdi de qamtıdy. Azamattar saıtqa aldymen óz túıindemelerin bekitedi. Keıin jumys berýshilermen baılanysady. Biraq bir qyzyǵy, saıtta tirkelýshiniń aty-jóni men túr-túsi jazylmaıdy. Onyń ornyna ár adamda jeke tirkeý nómiri bolady eken. Bul sybaılas jemqorlyqtyń aldyn alýǵa baǵyttalǵan. Qazir bul qoldanba eldegi barlyq memlekettik apparatta bar.

- Júıeniń osyndaı platformaǵa shyǵýy birinshiden, elimizdiń ımıdji. Sondyqtan bul qadam bylaı aıtqanda elimizdiń budan ári osy uıymǵa qosylý maqsatyna serpin tıgizedi dep oılaımyz, - dedi Memlekettik qyzmet isteri agenttiginiń departament dırektory Nursultan Bekinov.

Eske sala keteıik, Prezıdent aldaǵy úsh jylda Qazaqstandy tolyqtaı tsıfrlyq elge aınaldyrý jańa damý kezeńindegi basty mindetterdiń biri ekenin aıtqan edi.