Qazaqstannyń Kýveıttegi elshisi qyzmetine kiristi

ASTANA. KAZINFORM - 2025 jylǵy 25 qarasha – Qazaqstan Respýblıkasynyń Elshisi Erjan Elekeev Kýveıt Memleketiniń Ámiri sheıh Mıshaal Ál-Ahmad Ál-Djaber As-Sabahqa senim gramotalaryn tabystady, dep habarlaıdy QR Syrtqy ister mınıstrliginiń baspaóz qyzmeti.

Rásim barysynda Qazaqstan-Kýveıt qatynastarynyń dostyq sıpaty jáne taraptardyń saıası, ekonomıkalyq, mádenı-gýmanıtarlyq jáne ınvestıtsııalyq yntymaqtastyqty odan ári damytýǵa umtylysy rastaldy.

E.Elekeev Kýveıt pen Qazaqstan turaqtylyqty nyǵaıtý, qaýipsizdikti qamtamasyz etý jáne ulttyq ekonomıkany ártaraptandyrý sııaqty ortaq basymdyqtarǵa ıe ekenin atap ótti. Elshi sondaı-aq Qazaqstan ınstıtýttardyń tıimdiligin arttyrýǵa jáne sheshimderdi oryndaýdyń ashyqtyǵyna baǵyttalǵan memlekettik basqarýdy tsıfrlandyrýdyń aýqymdy baǵdarlamasyn iske asyratynyn habarlady.

Kýveıt Ámiri Elshige tabysty jumys tilep, eki el arasyndaǵy yntymaqtastyqty odan ári nyǵaıtýǵa qoldaý bildirdi. Ol Kýveıttiń azyq-túlik qaýipsizdigin qamtamasyz etý maqsatynda ınvestıtsııalyq ózara is-qımyldy keńeıtýdiń erekshe mańyzdylyǵyn atap ótip, Qazaqstannyń agroónerkásiptik sektordaǵy senimdi seriktes retindegi joǵary áleýetin aıtty.

Ámir Kýveıttiń osy saladaǵy perspektıvalyq bastamalardy, sonyń ishinde turaqty azyq-túlik jetkizilimderin damytýǵa jáne eki eldiń memlekettik jáne jeke ınstıtýttary arasyndaǵy ózara is-qımyldyń uzaq merzimdi tetikterin qurýǵa baǵyttalǵan jobalardy qarastyrýǵa daıyn ekenin aıtty.

Qazaq dıplomaty Kýveıttiń óńirdegi strategııalyq seriktes retindegi mańyzdylyǵyna nazar aýdara otyryp, Qazaqstannyń Parsy shyǵanaǵy elderimen ózara is-qımyldy nyǵaıtýǵa beıildilegin atap ótip, ekijaqty kún tártibiniń barlyq baǵyttary boıynsha dıalogty tereńdetýge daıyn ekenin bildirdi.

Aıta keteıik, osyǵan deıin Memleket basshysy Qasym-Jomart Toqaev Kýveıtti Taıaý Shyǵys pen ıslam álemindegi saıası jáne ekonomıkalyq turǵydan bedeldi el retinde baǵalaıtynyn jetkizgen bolatyn.