Qazaqstannyń kreatıv ındýstrııasyn damytýda ıAndeks tájirıbesi qoldanylady
ALMATY. KAZINFORM — Almatyda Mádenıet jáne aqparat mınıstrligi kreatıvti ındýstrııalar departamentiniń dırektory Gúlishan Nahbaeva ıAndeks Plıýs jáne ıAndekstiń Ortalyq Azııa men Kavkaz elderindegi oıyn-saýyq servısteriniń bas dırektory Vladımır Gorbýnovpen kezdesti.
Taraptar kreatıvti ındýstrııa salasyndaǵy yntymaqtastyqty talqylady. Yntymaqtastyq birneshe baǵyttar boıynsha júzege aspaq.
Atap aıtqanda, oqytý semınarlary, bilim berý baǵdarlamalary, kreatıvti ındýstrııaǵa IT-tehnologııalar men bıznes sheshimderdi engizý, sondaı-aq basqa da birqatar birlesken jobalar bar.
Sarapshylardyń pikirinshe, jumysty jalǵastyrý úshin óńirlerdegi kreatıvti taýarlar men qyzmetter naryǵyna taldaý júrgizý qajet.
Almatyǵa jumys sapary barysynda Gúlishan Nahbaeva Almaty Creative kreatıvti ındýstrııany damytý ortalyǵyna baryp, ortalyqtyń qazirgi jobalarymen tanysty.
Almaty Sreative kreatıvti haby megapolıstegi qaraýsyz qalǵan ǵımarattardy jańartyp, shyǵarmashylyq jumys úshin zamanaýı keńistikke aınaldyrǵan alǵashqy bastamalardyń biri sanalady.
Sondaı-aq, kretıvti ındýstrııalar departamentiniń dırektory Salem Social Media jáne IT-hub The Foundry medıa kompanııasynyń basshylyǵymen yntymaqtastyq perspektıvalaryn talqylady.
