Qazaqstannyń Qorǵanys mınıstri Qytaı Elshisimen kezdesti
ASTANA. KAZINFORM – Qazaqstan Respýblıkasynyń Qorǵanys mınıstrliginde Qorǵanys mınıstri avıatsııa general-leıtenanty Dáýren Qosanovtyń Qytaı Halyq Respýblıkasynyń Qazaqstan Respýblıkasyndaǵy Tótenshe jáne Ókiletti Elshisi Han Chýnlınmen kezdesýi ótti.
QR Qorǵanys mınıstrligi baspasóz qyzmetiniń habarlaýynsha, kezdesýge Qytaı tarapynan QHR Qorǵanys mınıstrliginiń Qazaqstan Respýblıkasyndaǵy áskerı attashe apparatynyń ókilderi de qatysty.
Kezdesý barysynda taraptar ekijaqty ózara is-qımyldyń aǵymdaǵy jáne perspektıvaly baǵyttary jóninde pikir almasty, sondaı-aq áskerı bilim berý, áskerı jáne áskerı-tehnıkalyq yntymaqtastyq máselelerin talqylady.
Osyǵan deıin áskerı ınstıtýtta ushqyshsyz ushý apparat mamandaryn daıarlaıtyn mektep ashylǵany týraly jazdyq.
