Qazaqstannyń birqatar óńirinde aýa raıyna baılanysty eskertý jarııalandy
10 qańtar kúni eldiń 15 oblysynda aýa raıyna baılanysty eskertý jarııalandy. Kazinform bul týraly «Qazgıdromet» RMQ-ǵa silteme jasap habarlaıdy.
Qyzylorda, Pavlodar, Qaraǵandy, Ulytaý oblystarynda boran jáne kóktaıǵaq, Mańǵystaý oblysynda da kóktaıǵaq bolýy múmkin.
Abaı, Aqmola jáne Aqtóbe oblystarynda burqasyn, Batys Qazaqstan jáne Atyraý oblystarynda jaıaý burqasyn bolýy yqtımal.
10 qańtar kúndiz Qostanaı oblysynyń batysynda, soltústiginde qalyń qar jaýady.
Jetisý, Túrkistan oblystarynda jel turady dep boljanǵan.
Shyǵys Qazaqstan oblysynyń batysy, shyǵysy men ońtústiginde túnde qar jaýyp, kúndiz oblystyń soltústigi men shyǵysynda qatty jaýyn-shashyn, burqasyn bolýy múmkin.
Soltústik Qazaqstan oblysynyń kóp bóliginde, kúndiz soltústigi men shyǵysynda qalyń qar jaýady.
