12:45, 06 Maýsym 2024 | GMT +6
Qazaqstannyń Konstıtýtsııasy alǵash ret Braıl álipbıinde jaryq kórdi
ASTANA. KAZINFORM – Qazaqstannyń Konstıtýtsııasy alǵash ret Braıl álipbıinde jaryq kórdi. Bul týraly Qazaqstan RQ Konstıtýtsııalyq Sotynyń baspasóz qyzmeti málim etti.
Búgin Konstıtýtsııalyq Sot alǵash ret Braıl shrıftimen memlekettik jáne orys tilderinde basylyp shyqqan Qazaqstan Respýblıkasynyń Konstıtýtsııasynyń tusaýkeserin ótkizdi.
«Qazaqstan Respýblıkasy Konstıtýtsııalyq Sotynyń Qazaqstannyń Ata zańynyń mátinin kórý qabileti nashar nemese zaǵıp azamattar úshin Braıl shrıftine (bederli-núkteli taktıldi shrıft) aýdarý jobasyn EQYU-nyń Astanadaǵy baǵdarlamalar keńsesi jáne Mádenıet jáne aqparat mınıstrliginiń qoldaýymen jaryq kórdi», - delingen habarlamada.
