Qazaqstannyń kók týy Birikken Arab Ámirlikterinde jelbiredi
Abý-Dabı marafonyna 25 myńǵa jýyq sportshy qatysty, dep habarlaıdy Kazinform.
Jarysqa qatysýshy Ǵanı Temiráliuly Túrkistan qalasynyń azamaty. Jeńil atlet bul isimen otandastaryn táýelsizdik kúni merekesine oraı quttyqtaǵysy kelgen. Sondaı-aq táýelsiz Qazaqstanǵa álem nazaryn aýdarýdy josparlaǵan. Sportshy marafonda 10 shaqyrym qashyqtyqqa júgirdi.
«Abý Dabı qalasynda kók týymyzdy jelbiretip júgirip shyqtym. Búkil álemniń sportshylary meni Táýelsizdik merekesimen quttyqtady. Keremet áser, keremet emotsııa aldym. Osyndaı múmkindik syılaǵan International Turkistan marathon dırektsııasynyń qurmetti prezıdenti Nurbah Rústemovke alǵysymdy aıtamyn» - dedi ol.
Sporttyq saıysqa álem elderinen 25 myńǵa jýyq sportshy qatysyp, 42,10, 5, 2.5 shaqyrymda baq synady. Jelaıaqtar jarysy 2023 jyly álemdegi eń mańyzdy sporttyq saıystardyń biri atandy.
Aldaǵy ýaqytta qazaqstandyq marafonshylar International Turkistan marathon dırektsııasynyń qoldaýymen halyqaralyq jarystarǵa turaqty túrde qatysýdy josparlap otyr.
