Qazaqstannyń qyrǵyz ekonomıkasyna quıǵan ınvestıtsııasy 1,7 mlrd dollarǵa artqan

ASTANA. KAZINFORM – Sońǵy 15 jylda Qazaqstannyń qyrǵyz ekonomıkasyna quıǵan ınvestıtsııa kólemi 1,7 mlrd dollarǵa ulǵaıdy. Premer-mınıstr Oljas Bektenov Qyrǵyz Respýblıkasy Mınıstrler kabınetiniń tóraǵasy – Prezıdent Ákimshiliginiń basshysy Adylbek Qasymalıevpen kezdesýde osyndaı derek keltirdi.

- Memleket basshylary eki el arasyndaǵy taýar aınalymyn 2030-shy jylǵa qaraı 3 mlrd dollarǵa deıin jetkizý mindetin qoıdy. Úkimetter osy mindetti iske asyrý baǵytynda jumysty jalǵastyryp jatyr. Sońǵy 15 jylda Qazaqstannyń qyrǵyz ekonomıkasyna quıǵan ınvestıtsııa kólemi 1,7 mlrd dollarǵa ulǵaıdy. Úkimetter osy mindetti iske asyrý baǵytynda jumysty jalǵastyryp jatyr, - dedi ol.

Úkimet basshysy eki arada mádenı-gýmanıtarlyq baılanystar da turaqty damyp kele jatqanyn atap ótti.

- Eki eldiń jastary men zııaly qaýym ókilderi arasyndaǵy yqpaldastyqty nyǵaıtýǵa eleýli serpin bergen birqatar is-shara ótkizildi. Jalpy, ekijaqty baılanystardyń odan ári damýyna Úkimetaralyq keńes pen Óńiraralyq yntymaqtastyq forým sııaqty platformalardyń zor úlesin aıtyp ótken jón.
Qazaqstan Úkimeti barlyq baǵyt boıynsha qazaq-qyrǵyz strategııalyq áriptestiginiń joǵary dınamıkasyn qoldaýǵa qashanda daıyn, - dedi Oljas Bektenov.

Eske salsaq Prezıdent Qyrǵyzstanǵa baratyny týraly jazǵan edik.