Qazaqstannyń keı aımaǵynda úsik júredi — sınoptıkter boljamy

ASTANA. KAZINFORM — ShQO-da túnde úsik júredi, dep habarlaıdy «Qazgıdromet» RMK baspasóz qyzmeti.

2025 jylǵy 5 qyrkúıekte Qazaqstannyń batysy men soltústiginde soltústik-batys tsıklony men oǵan baılanysty atmosferalyq fronttardyń áserinen jańbyr jaýyp, naızaǵaı oınaıdy.

— Eldiń batysynda keı jerde qatty jańbyr jaýyp, burshaq túsýi jáne daýyl bolýy múmkin. Ortalyq, ońtústik jáne shyǵys óńirlerde aýa raıy negizinen jaýyn-shashynsyz bolady dep kútiledi. Respýblıkanyń barlyq aýmaǵynda jel kúsheıedi, ońtústikte shańdy daýyl turyp, soltústik pen shyǵysta túngi jáne tańǵy ýaqyttarda tuman túsýi múmkin, — delingen habarlamada.

Sonymen qatar túnde Shyǵys Qazaqstan oblysynyń soltústiginde, shyǵysynda topyraq betinde 1 gradýs aıaz kútiledi.

Almaty, Aqtóbe oblystarynda, Ulytaý, Jetisý oblystarynda, Qaraǵandy oblysynyń batysynda, soltústiginde, Aqmola oblysynyń batysynda, ońtústiginde, ortalyǵynda, Batys Qazaqstan oblysynyń soltústiginde, ońtústiginde, shyǵysynda, Atyraý oblysynyń soltústiginde, batysynda, ortalyǵynda, Qostanaı oblysynyń batysynda, Shyǵys Qazaqstan oblysynyń ońtústiginde órt qaýpi joǵary bolady.

Túrkistan, Qyzylorda, Mańǵystaý, Jambyl oblystarynda, Batys Qazaqstan oblysynyń batysynda, Almaty oblysynyń batysynda, soltústiginde, ońtústiginde, Atyraý jáne Jetisý oblystarynyń shyǵysynda, ońtústiginde, Qostanaı, Qaraǵandy oblystarynyń ońtústiginde, Aqtóbe oblysynda, Ulytaý oblysynyń shyǵysynda tótenshe órt qaýpi boljanyp otyr.

Budan buryn SQO-da qyrkúıek aıynda aýa raıy qandaı bolatynyn aıtqan edik.