Qazaqstannyń qaı joldarynda jol apaty jıi bolady

ASTANA. KAZINFORM — Іshki ister mınıstri Erjan Sádenov Úkimet otyrysynda jol apaty kóp bolatyn joldardy atady.

«Qazir respýblıkalyq joldardyń tek 3% ǵana qaýipsizdik talaptaryna sáıkes keledi (95 myń km-diń 3 myńy). Osyndaı joldardy jóndegen soń adam shyǵyny birneshege azaıdy», — dedi mınıstr.

Aıtýynsha, keıingi 10 jyldyń ishinde «Astana — Şýchınsk» jolynda kólik apatynyń sany — 75-ten 12-ge deıin, «Astana — Temirtaý» jolynda 30-dan 18-ge deıin kemigen.

«Qala syrtyndaǵy joldar úlken qaýip tóndirýde. Olardyń qazirgi jaǵdaıy aýyr apattarǵa ákep soǵýda. Bul júıeli problema. Ony jol qaýipsizdigi aýdıti kezinde anyqtadyq. Bıyl ákimder men jol jóndeýge jaýapty mekemelerge 24 myńnan astam nusqama joldandy. 3,5 myń laýazymdy tulǵa jazalandy. Mindetterin oryndamaǵany úshin jyl saıyn 15-ke jýyq qylmystyq is tergeledi. Sonda da apattar sany azaımaı tur. Ulytaý, Jetisý, Soltústik Qazaqstan, Aqtóbe, Almaty, Qaraǵandy oblystarynyń trassalarynda adam óliminiń deńgeıi joǵary», — dedi E.Sádenov.