Qazaqstannyń qaı óńirinde halyq kóp shoǵyrlanǵan
ASTANA. KAZINFORM — Bıyl 1 naýryzdaǵy jaǵdaı boıynsha Qazaqstan halqynyń sany 20 532 240 adam bolyp, jyl basynan beri 32 myńnan astam adamǵa artty.
2026 jyldyń basynda elde 20 499 822 adam turǵan.
1 naýryzdaǵy jaǵdaı boıynsha qala halqynyń sany 13 120 922 adamǵa jetse, aýyl halqy 7 411 318 adam boldy. Bul rette qala turǵyndarynyń sany jyl basymen salystyrǵanda artqan. 1 qańtardaǵy málimet boıynsha qalalarda 13 085 110 qazaqstandyq, al aýyldarda 7 414 712 adam turǵan.
Eń kóp halyq Almaty qalasynda — 2 354 736 adam, Túrkistan oblysynda — 2 146 739 jáne Astana qalasynda — 1 655 369 adam shoǵyrlanǵan. Al eń az halyq sany Ulytaý oblysynda tirkelgen — 218 596 adam.
Eske sala keteıik, búgingideı sanaq, baza, tsıfr joq zamanda qazaqtar halyq sanyn qalaı bilgen? Kóshpeli qoǵamda «statıstıka» degen uǵym bolmaǵanymen, el óz sanyn shamalap bolsa da esepteı alǵan. Bul júıe qalaı jumys istegeni jaıly jazǵanbyz.
Aıta keteıik, byltyr Qazaqstandaǵy halyq sany 195 480 adamǵa ósken.
