Qazaqstannyń qaı óńirinde áıelder kóp

ASTANA. KAZINFORM — Qazaqstandaǵy áıelder sany 10 488 074 adamǵa jetti, dep habarlaıdy Ulttyq statıstıka bıýrosynyń baspasóz qyzmeti.

Olardyń jasy boıynsha úlesi mynadaı: 0-15 jas — 29,1%, 16-60 jas — 55,5%, al 61 jastan joǵary — 15,4%. Áıelderdiń ortasha jasy — 34,1 jas, al kútiletin ómir súrý uzaqtyǵy — 79,4 jyl.

Aımaqtar boıynsha eń kóp áıelder sany

• Almaty qalasynda — 1,2 mln

• Túrkistan oblysynda — 1 mln

• Astana qalasynda — 803,5 myń

• Almaty oblysynda — 778,5 myń

Eńbek naryǵynda áıelder

Qazaqstanda jumyspen qamtylǵan halyq arasyndaǵy áıelderdiń úlesi 48% quraıdy, ıaǵnı shamamen 4,4 mıllıon áıel. Jaldamaly jumysshylar arasyndaǵy áıelderdiń úlesi 50% shamasynda bolsa, óz betinshe jumyspen qamtylǵandar arasynda bul kórsetkish 45%-ǵa teń.

Jumyspen qamtylǵan áıelderdiń salalar boıynsha úlesi:

• Bilim berý — 20%

• Saýda — 19%

• Densaýlyq saqtaý — 10%

Jeke kásipkerler arasyndaǵy áıelderdiń úlesi 50,8% quraıdy. Eń kóp jumys isteıtin áıelder 35-44 jas aralyǵynda, olardyń sany 1,3 mıllıon adamǵa jetedi.

Budan buryn arýlar 8 naýryzǵa qandaı syılyq kútetinin jazǵan edik.