Qazaqstannyń qaı óńirlerinde Reseı rýbline suranys joǵary
ASTANA. KAZINFORM – 2025 jyldyń alǵashqy úsh aıynda eldegi valıýta aıyrbastaý beketteri ishki naryqta 369,2 mlrd teńgege dollar, 79,6 mlrd teńgege eýro, 547,3 mln teńgege fýnt-sterlıng, 161 mln teńgege ıýan satsa, qazaqstandyqtardan 40,9 mlrd teńgeniń rýblin satyp alǵan.
Óńirler arasynda Shymkent (86,5 mlrd teńgege), Almaty (85,6 mlrd teńgege), Astana (35,2 mlrd teńgege) qalalary men Mańǵystaý (31,2 mlrd teńgege) jáne Atyraý (25,1 mlrd teńgege) oblystarynyń turǵyndary dollar kóp satyp alǵan.
Al Reseı rýblin kóp satyp alýshylar - Shyǵys Qazaqstan (1,2 mlrd teńgege), Qaraǵandy (1,1 mlrd teńgege), Aqmola (669,8 mln teńgege) oblystarynyń turǵyndary.
Ulttyq banktiń Kazinform agenttigine bergen málimeti boıynsha, bankten tys aıyrbastaý beketteriniń kóbi iri qalalarda shoǵyrlanǵan. Jalpy eldegi búkil aıyrbastaý pýnktiniń 37%-y – Almaty, Astana men Shymkent qalalarynda ornalasqan. Oblys ortalyqtary men oblystyq mańyzy bar qalalarda – 40%-y, ózge mártebesi bar eldi mekenderde 23%-y ornalasqan.
- Eń kóp aıyrbastaý pýnkti bar qala – Almaty (20%). Eń iri ókiletti uıym – Almaty qalasyndaǵy «MıG» JShS, onyń ıeliginde 33 aıyrbastaý pýnkti bar, - dep jazylǵan resmı jaýapta.
Aıta keteıik, keshegi málimet boıynsha Astana men Almaty qalalarynda dollar 510-516 teńgeden satylyp jatyr.