Qazaqstannyń qaı óńirlerinde oqýshylar sabaqty qashyqtan oqıdy

ASTANA. KAZINFORM – Óńirlik bilim basqarmalary taratqan málimetterge qaraǵanda, erteń, 16 qańtar kúni de elimizdegi birqatar óńirde sabaq qashyqtan oqytylady.

Soltústik Qazaqstan oblysynda – 37 gradýs sýyq bolady. Osy sebepti mektepterdegi birinshi aýysymnyń 0-11 synyp oqýshylary men kolledjderdiń 1-2 kýrs stýdentteri sabaqty onlaın oqıdy.

Sondaı-aq Shyǵys Qazaqstan oblysynda aýa temperatýrasynyń tómendeýine baılanysty 1 jáne 2 aýysymda oqıtyn 0–9 synyp oqýshylary qashyqtan oqytý formatyna aýystyrylady.

Aqtóbe qalasy bilim basqarmasynyń habarlaýynsha, qaladaǵy barlyq mektepterdiń 1-11 synyp oqýshylary sabaqty onlaın oqıdy.

- Al Atyraý qalasynda sabaq oflaın bolady. Tek Jylyoı, Inder jáne Maqat aýdandarynyń oqýshylary ǵana qashyqtan bilim alady, - dep habarlady óńirlik bilim basqarmasy.

Osyǵan deıin astanalyq oqýshylar men stýdentter taǵy da onlaın oqıtynyn jazdyq.