Qazaqstannyń qaı qalasynda páter qansha turady
ASTANA. KAZINFORM – 2025 jyldyń maýsym aıynda turǵyn úı naryǵyndaǵy eń joǵary baǵa Almatyda tirkeldi. Ulttyq statıstıkalyq bıýronyń málimetinshe, munda jańa baspananyń bir sharshy metriniń quny 647 728 teńge, al qaıtalama naryqta 681 923 teńge.

Ekinshi eń qymbat qala – elorda. Astanada jańa ǵımarattyń sharshy metri orta eseppen 593 764 teńge bolsa, qaıtalama naryqta 642 702 teńgeni quraıdy.
Atyraýda jańa turǵyn úıdiń sharshy metri 512 205 teńge, al qaıta satylatyn turǵyn úı 482 711 teńgege baǵalandy.
Shymkentte jańadan salynyp jatqan ǵımarattardyń quny ortasha eseppen sharshy metrine 502 636 teńgege jýyqtap otyr. Qaıtalama naryqta baspana arzanyraq – 438 290 teńge.
Alǵashqy bestikti Semeı túıindep tur. Munda jańa baspananyń sharshy metri 453 834 teńge bolsa, qaıtalama naryqta 430 943 teńge boldy.
Qalalardyń tolyq tizimi men baǵasyn myna jerden qaraýǵa bolady.