Qazaqstannyń qaı áýe kompanııalarynda jolaýshylardyń qara tizimi bar
ASTANA. KAZIFORM - Kazinform agenttiginiń tilshisi qazaqstandyq áýe kompanııalary jolaýshylardy qara tizimge engizý ádisin qoldanatynyn jáne ony qalaı ońaltýǵa bolatynyn surap kórdi.
Scat jáne Qazaq Air avıakompanııalary jolaýshylardy qara tizimge engizý tájirıbesin qoldanbaıtynyn aıtty.
Al Air Astana avıakompanııalar tobynda mundaı tizim bar.
«2023 jylǵy 1 naýryzdan bastap «Qazaqstan Respýblıkasynyń áýe keńistigin paıdalaný jáne avıatsııa qyzmeti týraly» Zańnyń jańa erejesi kúshine engen soń, avıakompanııa áýe tasymaly shektelgen adamdardyń tizimine jolaýshylardy engize bastady. 2023 jyly áýe tasymaly shekteýli tulǵalardyń tizilimine eki jolaýshy engen», - dep túsindirdi Air Astana baspasóz qyzmeti.
Sondaı-aq, kompanııa qara tizimdegi jolaýshylar polıtsııa nemese sot sheshimi zańdy kúshine engen sátten bastap bir jyl ótken soń tizimnen shyǵarylýy múmkin ekenin atap ótti.
