Qazaqstannyń Izraıl, Iran jáne Lıvandaǵy dıplomattary kúsheıtilgen jumys rejımine kóshti

ASTANA. KAZINFORM – Taıaý Shyǵystaǵy shıeleniske baılanysty elimizdiń Izraıl, Iran jáne Lıvandaǵy konsýldyǵy kúsheıtilgen jumys rejımine aýystyryldy. Bul týraly QR Syrtqy ister mınıstrliginiń resmı ókili Aıbek Smadııarov málim etti.

«Sońǵy birneshe aıda Taıaý Shyǵystaǵy jaǵdaı aıtarlyqtaı shıelenisti. Osyǵan baılanysty Izraıl, Iran jáne Lıvandaǵy qazaqstandyq dıplomattar kúsheıtilgen jumys rejımde jumys istep jatyr. Osy elderdegi Qazaqstan azamattarymen baılanys quryldy, olarmen turaqty baılanys bar. Eldegi jaǵdaıǵa baılanysty qajetti usynystar beriledi. Qazaqstannyń elshilikteri áskerı-saıası jaǵdaıdyń shıelenisýine baılanysty elden ketý kerektigin birneshe ret jarııalady», - dedi Aıbek Smadııarov vedomstvoda ótken brıfıngide. 

Buǵan deıin habarlaǵanymyzdaı Taıaý Shyǵystaǵy shıeleniske qatysty QR Syrtqy ister mınıstrligi úndeý jasady. 

Qazaqstannyń Izraıldegi Elshiligi Taıaý Shyǵystaǵy jaǵdaıǵa baılanysty úndeý jasaǵanyn jazǵan bolatynbyz.

Aıta keteıik, buǵan deıin Iran Izraıldi bombalady, qaptaǵan zymyran ushyrdy.

Artynsha, Ulybrıtanııa Irannyń Izraılge zymyrandyq shabýylyn aıyptady.

Sondaı-aq Iran men Aýǵanstan shekarasynda 10 shaqyrymdyq qabyrǵa turǵyzyldy.

Qazaqstannyń Azamattyq avıatsııa komıteti Taıaý Shyǵystaǵy kúrdeli ahýalǵa baılanysty málimdeme jasady.