Qazaqstannyń Iranmen aradaǵy birqatar jobasy ýaqytsha toqtap tur
ASTANA. KAZINFORM – Syrtqy ister mınıstriniń orynbasary Arman Isetov Iranmen aradaǵy birqatar jobalardy iske asyrý ýaqytsha toqtap qalǵanyn aıtty.
— Qazir ol óńirde jaǵdaı óte kúrdeli. Dál qazir sol óńirdegi soǵys jaǵdaıyna baılanysty Iranmen aradaǵy biraz joba ýaqytsha toqtap qaldy. Bul rette bizdiń bıznes pen kásipkerler atalǵan máseleniń sheshilýin kútip otyr dep oılaımyn, - dedi I. Isetov Senatta tilshiler suraǵyna jaýap bere otyryp.
Osy oraıda ol toqtap qalǵan baǵyttardyń arasynda astyq jetkizilimin, sondaı-aq azyq-túlik taýarlarynyń ózara saýdasy boıynsha jobalardy erekshe atap ótti.
— Qazaqstan úlken shyǵynǵa ushyrap otyrǵan joq, óıtkeni bul taýarlar boıynsha saýda kólemi eldegi ekonomıkalyq jaǵdaıǵa tikeleı áser etti dep aıtýǵa kelmeıdi. Degenmen, Iranmen seriktestik qarym-qatynasymyz jaqsy ekenin eskersek, árıne, áseri bar. Biraq bul kólem sonshalyqty aýqymdy emes, - dedi mınıstrliń orynbasary.
Buǵan deıin Irandaǵy soǵys Qazaqstannyń astyq eksportyna qalaı áser etip jatqanyn jazǵan edik.
