Qazaqstannyń halyqaralyq is-sharalar ótkizýde tájirıbesi mol – QHR-dyń burynǵy elshisi

ASTANA. QazAqparat – 2025 jyly Qazaqstanda «Ortalyq Azııa + Qytaı» ІІ sammıtin ótkizý halyqaralyq qoǵamdastyqtyń nazaryn aýdartady. Bul týraly Qytaı halyqaralyq zertteý qorynyń ǵylymı qyzmetkeri, QHR SІM janyndaǵy Azııa men Afrıka damý jáne almasý keńesiniń múshesi, Qytaıdyń Qazaqstandaǵy burynǵy elshisi ıAo Peıshen aıtty.

Qytaı sarapshysynyń aıtýynsha, sońǵy jyldary Ortalyq Azııa elderi úshin ekonomıkalyq damý men óz azamattarynyń ómir súrý sapasyn jaqsartý basty basymdyq bolyp tur.

- Ortalyq Azııanyń barlyq eli óńirden tys ınvestıtsııalardy belsendi túrde tartyp, sonymen birge óńirishilik ekonomıkalyq baılanysty nyǵaıta túsýi qyzyqty úrdis. Óńirde saıası turaqtylyq saqtalyp, Ortalyq Azııanyń bes eli arasyndaǵy ózara baılanys kúsheıýde jáne ózara senim deńgeıi artyp keledi, - dep atap ótti ıAo Peıshen.

Munan ary ol 2022 jyly "Ortalyq Azııa – Qytaı" yntymaqtastyq tetigin qurý týraly aqparat halyqaralyq qatynastardaǵy mańyzdy oqıǵa bolǵanyn aıtady. 

- Bul tetikti qurý jańashyl jáne ınnovatsııalyq sıpatqa ıe ári Azııaǵa, tipti halyqaralyq landshaftqa taraıtyn úlken áser beredi. «Ortalyq Azııa - Qytaı" ekinshi sammıtin ótkizý – Qazaqstan úshin osy jylǵy mańyzdy dıplomatııalyq oqıǵa. Ol mindetti túrde halyqaralyq qoǵamdastyqtyń nazaryn aýdarady. Qazaqstan kóptegen halyqaralyq iri is-sharany tabysty ótkizýdi mol tájirıbe jınaqtady. Qazaqstanda "Ortalyq Azııa - Qytaı" ekinshi sammıti joǵary uıymdastyrýshylyq deńgeıde ótetinine senimdimin", - dep túıindedi sózin ıAo Peıshen.

Aıta keteıik, Qytaı Syrtqy ister mınıstrligi Tramp-Pýtın kelissózine pikir bildirdi.