Qazaqstannyń halyqaralyq rezervteri 125,7 mlrd dollarǵa jetti

ASTANA. KAZINFORM – Ulttyq bank tóraǵasy Tımýr Súleımenov Úkimet otyrysynda Ulttyq qordyń aktıvteri 11 aıdyń ishinde qanshalyqty óskenin aıtty.

- Taýarlar men qyzmetter eksporty 68 mlrd dollarǵa deıin, ıaǵnı, 0,7 paıyz tómendedi. Buǵan metaldar men onyń kenderi jáne ýran eksportynyń azaıýy áser etti. Import kólemi kerisinshe 57,5 mlrd dollarǵa deıin, ıaǵnı, 5,5 paıyz ósti. Kiris balansynyń tapshylyǵy -17,5 mlrd dollarǵa deıin, ıaǵnı, 2,7 paıyz azaıdy, - dedi ol.

Uttyq bank basshysy saýda profıtsıtiniń qysqarýy tólem balansyna jáne valıýta baǵamyna qysym kórsetip otyrǵanyn atap ótti.

- Jalpy halyqaralyq rezervter qarasha aıynda 125,7 mlrd dollar boldy. Jyl basynan bergi ósim 20,1 paıyz. Ulttyq banktiń altyn-valıýta rezervteri 62,1 mlrd dollarǵa deıin, ıaǵnı, 35,5 paıyz, al Ulttyq qordyń aktıvteri 63,6 mlrd dollarǵa deıin, ıaǵnı, 8,1 paıyz ulǵaıdy, - dedi Tımýr Súleımenov.

Aıta keteıik, búgin Úkimette 11 aıdyń áleýmettik-ekonomıkalyq damý qorytyndysy qaralyp jatyr.