Qazaqstannyń halal sertıfıkaty Qatarda resmı tanyldy
ASTANA. KAZINFORM — QazStandart Qatarda resmı túrde tanyldy. Kásiporyndy halal sertıfıkattaý jónindegi ýákiletti organdardyń tizilimine engizdi. Bul qazaqstandyq óndirýshilerdiń katar naryǵyna shyǵý múmkindikterin keńeıtedi. Bul týraly Qazaqstan standarttaý jáne metrologııa ınstıtýty málim etti.
Aqparat Qatardyń Qoǵamdyq densaýlyq saqtaý mınıstrliginiń Global Partners System júıesindejarııalandy. QazStandart Authorized List of Halal Bodies resmı tizbesine endi.
— Tizilimge engizý QazStandarttyń halal-sertıfıkattaý salasyndaǵy quzyrettiligin rastaıdy. Endi otandyq tamaq ónimderin óndirýshiler Qatarda tanylatyn talaptardy eskere otyryp, sertıfıkattaýdan Qazaqstanda óte alady, — delingen habarlamada.
QazStandart halyqaralyq talaptarǵa sáıkes halal ónimdi sertıfıkattaýdy júrgizedi jáne ulttyq sertıfıkattaý júıesin taný aýqymyn keńeıtýdi jalǵastyra bermek.
Búgingi kúni QazStandart BAÁ, Saýd Arabııasy Koroldiginde jáne Qatarda akkredıtteýden ótken. Bul qazaqstandyq óndirýshilerdiń ónimderin sheteldik naryqtarǵa ilgeriletýge qosymsha múmkindikter beredi.
Aıta keteıik, halal standartyna saı et óniminiń eksporty 50 paıyzǵa ósti.
