Qazaqstannyń gýmanıtarlyq júgi tıelgen ushaq Mysyrǵa baryp qondy
Qazaqstan Palestınaǵa bólgen gýmanıtarlyq júk tıelgen ushaq Mysyrǵa baryp qondy, dep habarlaıdy Kazinform tilshisi.
Gýmanıtarlyq júk Palestına halqyna Memleket basshysy Qasym-Jomart Toqaevtyń tapsyrmasymen jiberildi. Júk ushaǵyna memlekettiń materıaldyq qorynan azyq-túlik, kórpe-jastyq, sondaı-aq «SK-Farmatsııa» JShS-nan dári-dármek pen medıtsınalyq buıymdar tıeldi.
Kerek-jaraq tiziminde 14 túrli buıym bar. Olardyń jalpy salmaǵy 38 tonna. Júkti QR TJM áskerı kúsh-qurylymdary tıedi.
Gýmanıtarlyq kómek "Qyzyl jarty aı" qoǵamdyq uıymynyń ókilderine tabystalady.
Aıta keteıik, keshe Palestınaǵa gýmanıtarlyq júk tıelgen ushaq Almatydan ushyp shyqqanyn jazǵan edik.
Odan buryn Memleket basshysy Qasym-Jomart Toqaevtyń tapsyrmasyna sáıkes Qazaqstan Palestınaǵa qosymsha gýmanıtarlyq kómek jiberetini habarlanǵan edi.
