Qazaqstannyń farmatsevtıkalyq naryǵynyń kólemi 1,285 trln teńgeden asty
ASTANA. KAZINFORM — Sońǵy 5 jylda naryq kólemi 1,7 esege ósken. Bul jóninde QR Densaýlyq saqtaý mınıstrligi resmı saýalymyzǵa joldaǵan jaýabynda málimdedi.
— Halyqaralyq IQVIA analıtıkalyq kompanııasynyń derekterine sáıkes, 2025 jyly Qazaqstannyń farmatsevtıkalyq naryǵynyń aqshalaı kólemi 1,285 trln teńgeden asty. Sońǵy 5 jylda naryq kólemi 1,7 esege ósti. Dárilik zattar naryǵynyń 84%-y sheteldik ónimderge tıesili, — delingen habarlamada.
Sonymen birge Ulttyq statıstıka bıýrosynyń derekteri boıynsha, 2025 jyly farmatsevtıkalyq ónim eksporty 84 mln AQSh dollaryna jetken. Qazaqstan taýarlaryn negizinen AQSh, Germanııa jáne t. b. Eýropa elderi ımporttaıdy.
Buǵan deıin habarlaǵanymyzdaı, Prezıdent otandyq farmatsevtıka ónerkásibin órkendetý boıynsha birqatar tapsyrma berdi. Memleket basshysy Densaýlyq saqtaý mınıstrine medıtsınalyq qyzmet sapasyn arttyrý, saladaǵy qarjylyq tártipti qatańdatý, maman daıarlaý júıesin jetildirý, tsıfrlyq jańǵyrtý jumystaryn jedeldetý jáne otandyq farmatsevtıka ónerkásibin órkendetýdi tapsyrdy.
