KEGOC Qazaqstannyń energojúıesinde bolǵan aqaýǵa qatysty túsinikteme berdi
ASTANA. KAZINFORM — Qazaqstannyń Biryńǵaı energetıkalyq júıesindegi (BEJ) bolǵan tehnıkalyq aqaýǵa qatysty KEGOC kompanııasy túsinikteme berdi.
Kompanııanyń málimetinshe, saǵat 05:02-de Ózbekstan energetıkalyq júıesindegi 1516 MVt generatsııalyq qýattyń joǵalýy Ortalyq Azııa energetıkalyq júıesinen qýattyń kúrt ósýine ákelgen, nátıjesinde Soltústik-Ońtústik elektr berý jelisiniń ajyratylýyna sebep bolǵan.
Qazaqstan energetıkalyq júıesindegi tutynýshylardyń júktemesin azaıtý 962 MVt-ty quraǵan.
KEGOC kompanııasy apattyq basqarý júıeleri jobalanǵandaı jumys istegenin habarlady.
Elektr kompanııasynyń dereginshe, saǵat 05:43-te Qazaqstan BEJ-niń Ońtústik aımaǵy men Ortalyq Azııa Biryńǵaı energetıkalyq júıesi arasynda parallel jumys qalpyna keltirilgen, tutynýshylardyń júkteme shekteýlerin alyp tastaý týraly buıryq shyǵarylǵan.
Aıta keteıik, búgin Astananyń keı aýdandarynda jaryq pen sý bolmaıdy.
