Qazaqstannyń eńbek sińirgen qaıratkeri Baıan Imasheva ómirden ótti

ALMATY. KAZINFORM - Qazaqstannyń eńbek sińirgen qaıtarkeri, M.Áýezov atyndaǵy Qazaq ulttyq drama teatrynyń artısi Baıan Imasheva ómirden ótti.

Bul týraly Muhtar Áýezov atyndaǵy Qazaq ulttyq drama teatry áleýmettik jelidegi paraqshasynda habarlady. 

- Boıyndaǵy sahna sheberine tán oılylyq pen daralyq, teatrǵa, ónerge degen adaldyǵy - qazaq teatr óneriniń qarashańyraǵy Muhtar Áýezov atyndaǵy Qazaq ulttyq drama teatrynyń sahnasynda júzden asa ról men qazaq tarıhyndaǵy san taǵdyrly áıelder beınesin somdatty, - dep jazdy ulttyq teatr.

Eske salaıyq, buǵan deıin Almatyda Áýezov atyndaǵy Qazaq ulttyq drama teatrynyń 99-shy maýsymy ashylǵanyn jazǵanbyz. Onda jóndeý jumystaryna jabylǵan teatr ǵımaraty 2026 jyly ashylatyny aıtylǵan bolatyn.

Sondaı-aq ótken aptada Almatynyń «Alataý» teatrynda jańa maýsym premeramen ashyldy.