Qazaqstannyń Eńbek Eri Asanáli Áshimov Atyraýda teatr saıabaǵyna kóshet ekti

ATYRAÝ. KAZINFORM – Qazaqstannyń Eńbek Eri, teatr jáne kıno akteri Asanáli Áshimov «Taza Qazaqstan» aktsııasy aıasynda Atyraýdaǵy jastar teatry saıabaǵyndaǵy kóshet egý sharasyna qatysty. Tanymal akter ataýly kóshetin ekti.

– Kóktemniń jaıma-shýaq kúnderinde Atyraý oblysyna gastroldik saparmen kelip qaldyq. Bul – «Jańa ǵasyr» teatrynyń kezekti rýhanı sapary. Teatrlardyń ártisteri ózara pikir almasyp, bir-biriniń ónerine baǵa berýge umtylýy – óte qundy ári qajet úrdis. Ónerge bet burǵan jastardyń ósip-órkendeýine árdaıym tilekshi bolyp júremiz. Jastar osyndaı gastroldik saparda tájirıbe almasyp, shyǵarmashylyq sheberligin jetildiredi, -dedi Asanáli Áshimov. 

Іs-shara kezinde Halyq ártisi Asanáli Áshimov Jastar teatrynyń mýzeıine óziniń kitabyn tabystady. 

Eske sala ketelik, budan buryn atyraýlyq áýesqoı fotograf qustardy sýretke túsirgendi unatatynyn aıtqanyn habarlanǵan edik.