Qazaqstannyń Ekinshi lıgasynda oınaǵan fýtbolshy eýrokýbokqa qatysatyn boldy
ASTANA. KAZINFORM — Semeılik «Elimaı» klýby óz túlegi, jartylaı qorǵaýshy Artem Jılınmen resmı kelisimshartqa qol qoıdy, dep habarlaıdy klýbtyń baspasóz qyzmeti.
Klýbtyń Instagram paraqshasynda jarııalanǵan málimetke sáıkes, ótken maýsymda «Elimaı M» komandasynyń sapynda óner kórsetken Artem Jılın Qazaqstannyń Ekinshi lıgasynda ózin sátti qyrynan kórsetti.
Ótken maýsymdaǵy kórsetkishteri: 20 match, 3 gol, 2 nátıjeli pas.
Artem Jılın komandanyń Ekinshi lıgadaǵy jeńisti maýsymyna jáne Birinshi lıgaǵa joldama alýyna eleýli úles qosty.
Negizgi quramǵa irikteý kezinde ol «Emıreıts» komandasynyń qaqpasyna ádemi gol soǵyp, bapkerler shtabynyń senimine ıe boldy. Qýatty shabýylymen jáne batyl oıynymen erekshelenetin fýtbolshy «Elimaıdyń» negizgi quramymen resmı kelisimshart jasasty.
Aıta keteıik, 13 qańtarda 18 jastaǵy qazaqstandyq fýtbolshy Birikken Arab Ámirlikteriniń «Emıreıts» klýbyna qarsy ótken baqylaý matchynda (3:0) negizgi komanda sapyndaǵy alǵashqy golyn soqty.
Ótken maýsym qorytyndysy boıynsha Qazaqstan Premer-lıgasynda «Elimaı» tórtinshi orynǵa ıe bolyp, klýb tarıhynda alǵash ret ÝEFA Konferentsııalar lıgasynyń irikteý kezeńine joldama aldy.
Eske salaıyq, Ramazan Orazov «Elimaı» komandasymen kelisimshart merzimin uzartty.