Qazaqstannyń eki termınaly ESKATO qurǵaq porttary qataryna qosyldy
ASTANA. KAZINFORM — Qazaqstandyq Dostyk Trans Terminal termınaly men GLOBAL CITY saýda-logıstıkalyq kesheni BUU ESKATO-nyń qurǵaq porttar jónindegi úkimetaralyq kelisiminiń tizimine engizildi, dep habarlaıdy Kólik mınıstrliginiń baspasóz qyzmeti.
Bangkok qalasynda (Taıland) BUU Azııa jáne Tynyq muhıty óńirine arnalǵan ekonomıkalyq jáne áleýmettik komıssııasynyń (ESKATO) «qurǵaq porttar» jónindegi jumys tobynyń altynshy otyrysy ótti.
— Otyrys qorytyndysy boıynsha Dostyk Trans Terminal termınaly men GLOBAL CITY saýda-logıstıkalyq keshenin ESKATO-nyń qurǵaq porttar jónindegi Úkimetaralyq kelisiminiń tizimine engizý týraly sheshim qabyldandy. Bul sheshim Qazaqstannyń BUU-nyń resmı ınfraqurylymdyq kartalaryndaǵy kórinisin keńeıtip, eldiń tranzıttik-logıstıkalyq áleýetin odan ári damytýǵa qosymsha múmkindikter ashady, — delingen habarlamada.
Budan buryn jyl basynan beri Qazaqstannyń teńiz porttary arqyly 6,2 mln tonna júk tasymaldanǵanyn jazǵan edik.